Ronaldo yeni rekorda imza atdı
Portuqaliya yığma komandasının futbolçusu Kristiano Ronaldo dünya çempionatlarının seçmə mərhələlərində vurulan qolların sayına görə yeni rekorda imza atıb.
Axar.az xəbər verir ki, 40 yaşlı hücumçu Macarıstanla matçın 22-ci dəqiqəsində fərqlənərək hesabı açıb. Daha sonra isə komandasının ikinci qoluna imza atıb. Qarşılaşma 2-2 hesabı ilə başa çatıb
Bu, Ronaldonun dünya çempionatlarının seçmə oyunlarında vurduğu 41-ci qol olub.
Ronaldo Qvatemala seçməsinin sabiq futbolçusu Karlos Ruisi (39 qol) geridə qoyaraq, dünya çempionatlarının seçmə mərhələləri tarixindəki ən yaxşı bombardiri adına yiyələnib.
Rekordçular siyahısı belədir:
Kristiano Ronaldo (Portuqaliya) — 41 qol
Karlos Ruis (Qvatemala) — 39 qol
Lionel Messi (Argentina) — 36 qol
Əli Daei (İran) — 35 qol
Robert Levandovski (Polşa) — 33 qol
Qeyd edək ki, Ronaldo klub karyerasını Səudiyyə Ərəbistanının "Əl-Nəsr" komandasında davam etdirir.
