Ankara Valiliyi açıqladı: Qadağanın müddəti uzadıldı!
Ankarada nümayişlərə qoyulan qadağanın vaxtı uzadılıb.
Axar.az Türkiyə mediasına istinadən xəbər verir ki, bu barədə Ankara Valiliyi məlumat yayıb.
Bildirilib ki, aprelin 1-i saat 23:59-a qədər qapalı və açıq havada toplantılar, yürüşlər, mətbuata açıqlamalar, çadırların qurulması, stendlərin açılması, oturaq etiraz aksiyaları, imzatoplama kampaniyaları və bu kimi aksiya və tədbirlər, o cümlədən vərəqələrin yayılması və pankartların asılması qadağandır.
Qeyd edək ki, İstanbul Böyükşəhər Bələdiyyəsinin sədri Əkrəm İmamoğlunun həbsinə etiraz olaraq Türkiyənin bir neçə şəhərində qanunsuz aksiyalar keçirilir.
