“Müharibə dayandırılır” mesajı verildi – Kremldən açıqlama
Rusiya-Ukrayna müharibəsinin dayanması üçün şərtlər hələ formalaşmayıb.
Teleqraf.com xəbər verir ki, bu barədə Kremlin mətbuat katibi Dmitri Peskov bildirib.
“Moskva münaqişənin sona çatmasına təsir edə biləcək ilkin şərtləri hələ görmür”, - Peskov Ukrayna mediasının məlumatlarına cavab olaraq deyib.
Ukrayna mediası Rusiya nümayəndə heyətinin üç gün öncə ABŞ-da danışıqlar apardığını yazıb. Səfərin Rusiya-Ukrayna müharibəsinin dayandırılması ilə əlaqədar olduğu bildirilib.
Ukrayna mənbələrinin iddiasına görə, müharibə yaxın günlərdə bitə bilər.
