Müxalifət lideri çağırış etdi, 1534 məhbus türmədən qaçdı
Mozambikdə ciddi rejimli həbsxanadan kütləvi qaçış nəticəsində azı 33 nəfər ölüb.
Axar.az xəbər verir ki, bu barədə Mozambik polis qüvvələrinin komandiri Bernardino Rafael deyib.
O bildirib ki, 1534 məhbusun qaçması müxalifət lideri Venansio Mondleynin çağırışı ilə baş verən nümayişlər kontekstində mümkün olub.
“1534 məhbus, o cümlədən terrorizmdən dolayı məhkum edilən 29 nəfər paytaxt Maputudan 14 km uzaqlıqda yerləşən ciddi rejimli cəzaçəkmə müəssisəsindən qaçıb. Onlardan 150-i yenidən tutulub”, - deyə hüquq-mühafizə orqanının nümayəndəsi bildirib.
Rafaelin sözlərinə görə, bu hadisədən paytaxtda cinayətkarlığın kəskin artacağı gözlənilir.
